Umongameli welizwe usungula isilindelo samabhasi eGweru

Umongameli welizwe umnumuzana Emmerson Dambudzo Mnangagwa eGweru 13 Dec 21

Click here to watch video

Umongameli welizwe umnumuzana Emmerson Dambudzo Mnangagwa usungule isilindelo samabhasi okusimthetweni edolobheni leGweru namhla. Isilindelo seKudzanayi Bus Terminus sayakwa kutsha ukuthi kube lezinye indawo zokuthengisela okokudla lokugqoka okuhlambulukileyo. ‘‘uhulumende uyaka kutsha izilindelo zamabhasi elizweni jikelele,kanye lendawo zokutehengisela. inthuthuko le iyakwanisa ukwenzakala nxa siyabe simanyene silenjongo yokwaka ilizwe lethu’’ uyatsho umnumuzana Mnangagwa. Isilindelo lesi sikwana abantu abafika 800 abathengisa khonapo lamabhasi angadlula 100 ngelanga. Isilindelo lesi sayakwa ngumanyano wekhansili yeGweru lenkampani ye Ben Touch Resources. Abanengi abahamba ngamabhasi bayabonga ukwakwa kwesilindelo lesi ngoba kathsei sokutshaya umoya. isilindelo lesi yasiyindawo lapho amasela lezigebenga zasezihlala khona. Khatesi sokukuhle ukuhamba kulindawo. Isambuzi esikhulu kulindawo sayakwa kutsha ngesibanga esiphezulu asisikhuphi umoya omubi. Abanengi bayancoma ukwakwa okwayenziwa isilindelo lesi, kodwa abanye bayakhonona besithi izimali ababhadaliswayo zinengi kakhulu. Abanye bathi ukubhadaliswa isambuzi kuyaphazamisa izihambi ,ngoba abanye bayebe bevela emaphandleni bengela izimali zokubhadala ukungena esambuzini.