Gurukota rezvenyaya nekudyidzana nedzimwe nyika vaSibusiso Busi Moyo (61) vashaya nhasi 20 Ndira 2021 mangwanani muguta reHarare.
Mutungamiri wenyika vaEmmerson Dambudzo Mnangagwa vapa chiziviso nezvekushaya kwegurukota vaS.B Moyo uko kwakonzerwa nechirwere cheCovid-19.
Mumashoko avo vatsanangura vaMoyo segamba guru uye murwi wehondo yerusununguko.
Voruzhinji munyika nepasi rose vange vachitumira mashoko enyaradzo padandemutande uye paine kurudziro yokuti pave nekubatana mukurwisa chirwere cheCovid -19.
Mutungamiri webato reMDC Alliance vaNelson Chamisa navo vanyorawo padandemutande reTwitter vatumirawo mashoko enyaradzo nezvekufa kwa S.B Moyo abva abatanidzawo Allen Gwaradzimba,Mukudzei Mudzi naMorton Malianga avo vakashaya mazuva achangodarika uye avatsanangura semagamba akazvipira hupenyu hwavo kusunungura nyika.
. VaMoyo varikuradzikwa musi wechitatu 27 Ndira 2021.
Mhinduro (0)