Bato reZanu Pf rakakunda zvine mutsindo munzvimbo zhinji musarudzo dzema by-elections emakanzuru idzo dzakaitwa nemusi wemugovera 21 Gumiguru 2022 .
Sarudzo dzema By-Election idzo dzakaitwa mumatunhu mana dzaisanganisira ku Matebeleland South Ward 4 Insiza RDC uko va Daniel Dube ve Zanu Pf vakaita mavhoti 578 uye vaGumede Augustine vebato re CCC vakaita 415
KuMatobo Ward 2 vaFadrek Siwela vebato re ZANU PF vakawana mavhoti 934 ,vaNgwenya Sindiso vebato re CCC vakawana mavhoti 270 ,uyewo vaLiberty Nyirongo vebato re ZAPU vakawana mavhoti 25.
KuManicaland Ward 24 Buhera RDC VaEnest Muzokomba vebato re ZANU PF vakawana mavhoti 1265 uye vaJoram Muzamba vebato reCCC vakawana mavhoti 692
Mutare ward 18 va Blessing Murindashaka vebato re CCC vakawana mavhoti 711 ,Loveness Chiwashira webato re ZANU PF akawana mavhoti 478 uyewo Nyasha Muchekeche webato reNCA akawana mavhoti 18.
Kudunhu re Midlands ward 6 Takawira RDC ,Netsai Winny Dzingira webato reZANU PF akawana mavhoti 594 uye Amos Marevengwa webato re CCC akawana mavhoti 314.
Mashonaland central ward 4 Guruve RDC ,Season Chiguma webato re ZANU PF akawana mavhoti 1135 uyewo Francis Wonder Kudyahakudadirwi webato reCCC akawana mavhoti 114.
Bato reZANU PF riri kutaridzira kuti rakabata zvikuru kunzvimbo dzekumaruwa uko riri kukunda nemavhoti akawandisa zvichienzaniswa nemumaguta mazhinji ari kutungamirwa nebato rinopikisa re CCC.
Nyaya dzemhirizhonga kune mamwe matunhu koita kuti vamwe vafungire kuti musarudzo huru dziriko gore ra2023 panogona kudeuka ropa kana pakasatorwa nhanho dzakasimba ,uye kushoropodza muitiro uyu zvichibva kumapato ose ari mune zvematongerwo enyika.
Mhinduro (0)