Vaimbova mutungamiri wenyika mushakabvu vaRobert Mugabe musi wa17 Nyamavhuvhu 2022 vakapihwa mubairo nemubatanidzwa wenyika dzekumavirira kweAfrica eSADC kumusangano uri kuitirwa munyika yeDRC.
VaMugabe vakapihwa mubairo uyu nevamwe vatungamiri vakavamba sangano iri musi wa 1 Kubvumbi 1980 kuLusaka, Zambia richinzi Southern African Development Co-ordinating Conference ana kuti SADCC.
Zita iri rakazochinjwa muna 17 Nyamavhuvhu1992 gungano iri rave kunzi Southern African Development Community kana kuti SADC. Vakapihwa mubayiro vose vakashaya uye vanoti Dr Kenneth Kaunda, Zambia, Mwalimu Julius Nyerere, Tanzania, VaSamora Machel, Mozambique, VaSeretse Khama, Botswana, King Sobhuza Eswathini. Mudzimai waVaMugabe, Amai Grace Mugabe ndivo vakapihwa mubayiro waVaMugabe.
Mutungamiriri wenyika VaEmerson Mnangagwa nevamwe vatungamiri venyika gumi neshanu vaive kuDRC kumusangano weSADC 42nd Summit for Heads of States.
Musangano uyu wakaitwa pasi pedingindira rakanangana nekusimudzirwa kwemaIndasitiri kuburikidza nezvirimwa, nekukwenenzvera zvicherwa kana kuti “Promoting Industrialization through Agro Processing, Mineral Beneficiation and Regional Value Chains for Inclusive and Resilient Economic Growthâ€.
VaFélix Antoine Tshisekedi Tshilombo vekuDRC ndivo vave sachigaro we SADC, vachitora chigaro kubva kuna VaLazarus Chakwera vekuMalawi.
Mhinduro (0)